Z Terpjego/Terpe. Partyjowa pjakaŕnja jo swóje źurja w adwenśe zasej daloko wótwóriła, aby źiśam blunjojskeje źiśownje „Rasselbande“ rědne a na dožywjenjach bogate gódowne dopołdnja zmóžniła. Gódowna pjakaŕnja za małych ma w Terpjem tradiciju, ale jo se w zachadnych lětach pśez njewótchylne tšojenja pśetergnuła. W toś tom adwenśe jo se zasej zachopiło. Pśišli su źiśi w starstwje mjazy pěś a šesć lětami ze swójimi wótkubłaŕkami, to groni we wjelikich kupkach połne wótcakanjow a pśedwjasela na gódy.