Budyšin/Bautzen. Ako jo nimsku prapremjeru inscenacije „Schierzens Hanka“ – serbsku wersiju su pokazali prědny raz we februarje – zachopjeńk decembra na głownem jawišću Nimsko-serbskego ludowego źiwadła pśipowěźeł, jo intendant Lutz Hillmann pódšmarnuł, až „toś ten kus njejo móžno hynac pśedstajiś ako dwójorěcnje“. Jo dodał, až se „lětosny jubileum ako teke diamantna swajźba lěbda rědnjej swěśiś mógałej.“ Góźba jo była 75. wrośenica załoženja Serbskego ludowego źiwadła a twórjenje Nimsko-serbskego ludowego źiwadła pśed 60 lětami. Žortnje jo dodał: „Pó takem dłujkem casu źělenje se wěcej njewupłaśijo.“