Ze Zaspow/Saspow. Chtož jo w slědnych lětach pšawidłownje a pilnje cytał Serbsku Pratyju, jo mógał pśi tom južo zgóniś wjele zajmnego ze Zaspow. Bernd Kamjeńc ga jo w kuždem numerje wopisował něco, což jo se stało něga we tej serbskej burskej jsy, ako słuša něnt južo žedne lěta do Chóśebuza. Pśi tom jo wón pokazał, až se wón wjelgin derje wuznajo we tom, což jo se w 19. a 20. stolěśu a pśed tym tšojło w jogo jsy a kak su byli pśi tom wósebnje serbske luźe pśi tom wobźělone.
Teke za nejnowšu Pratyju jo se wón ako pilny wejsny chronist taku zajmnu tematiku wupytał. Móžomy cytaś wjele zajmnego wó starej šuli w Zaspach a wó tych ceptarjach, ako su zaspickich źiśi wucyli.