Ja cu Wam pśedstajiś knigły „Mehr als eine Tracht / Wěcej ako drastwa: Sorbisches/wendisches Leben im Landkreis Dahme-Spreewald / Serbske žywjenje we wokrejsu Dubja-Blota“ wót Sabriny Kušojc a Thomasa Mietka, wudane w nakładnistwje BeBra 2023.
Narodne drastwy su mě wót źiśetstwa sem fasciněrowali. Su byli za mnjo regionalne znamje jadnoraznosći. W mójej familiji bóžko njejo měł nichten wejsańsku swěźeńsku drastwu. Mója prastarka jo póchadała z města a jo teke ako starša žeńska nosyła tegdejšu měsćańsku wšednu drastwu, ale jadno rubiško, kótarež jo ju až do kóńca jeje žywjenja pśewóźowało. Mě pśiźo śěžko, se prastarku bźez rubiška na głowje pśedstajiś. Mója stara maś jo źěłała w chórowni, źož jo była moderna drastwa za žeńske samorozmějuca.