Z Barlinja/Berlin. Pónjeźele tyźeń jo měła Parlamentariska pśirada Załožby za serbski lud pósejźenje w Nimskem zwězkowem sejmje w Barlinju. Moderěrowała jo to zastupna pśedsedaŕka Simona Koßowa. Prědny a wjelgin wažny dypk na agenźe jo był financěrowanje Załožby za serbski lud 2024. Cłonki parlamentariskeje pśirady ga maju tšach, až wótpósłańce we tom wjelikem kruželu sumow cełkownego Zwězkowego budgetu późěle za serbske nastupnosći naslědk stajaju. Simona Koßowa jo jich pak informěrowała, až wótpósłańce ze serbskimi nastupnosćami dotychměst wobchadaju kaž planowane. Tak wobstoj naźeja, až serbski późěl tak wóstanjo, gaž wótpósłańce budu wó etat wótgłosowaś.