W mójej seriji wó Grönlandskej pišom wó dožywjenjach a zaśišćach ducy pó nejwětšej kupje swěta, wó tom, což som wiźeła, zgóniła a słyšała. A pśecej zasej raz słušaju k tomu teke negatiwne tšojenja – wugronjenja a reakcije młogich sobudrogujucych, take typiske klišeje, gaž powědaju „kultiwěrowane ludy“ wó „awtochtonych abo prawobydlarjach“. Pón cujom se pśi tom „ako doma“ – gaž take luźe wó tom njepśemysluju, cogodla jo to jadno abo druge tak a nic hynac.