Z Strobic/Ströbitz. Druge 22-lětne maju zawěsće hynakše hobbyje, ako je ma Franziska Rubenojc ze Strobic. Južo šesć lět wušywa něnto južo za drastwu, šyjo bluze, kóšule abo šorce. Prědne dotyknjenja z glicku a nitku jo měła na zakładnej šuli w kursu rucnego źěła. Pózdźej jo w prozninach nawuknuła wušywanje pla Mechthilda Scholzoweje z Gołbina.
„Mechthild jo nam tencas pokazała, na co musymy wósebnje glědaś, do kakego směra nitka běžaś musy. Njesměju wšykne płoniny jadnaki niśowy směr měś, to ga rědnje njewuglěda“, groni Franziska. W šlodaŕni Heinzojc jo se wobźěliła pśidatnje hyšći na kurs su glickowego mólowanja. Wóna wušywa swóje rubiška z jadneju nitku, z dwěma nitkoma njamóžo se je pśedstajiś. Wšako maju mustry filigranje wuglědaś.