Z Janšojc/Jänschwalde. Pśisamem 20 gósći z Mósta, Picnja, Radowize, Šejnejdy, Turjeja a Janšojc jo slědowało pśepšosenju Uty Henšeloweje, wjednice Šule za dolnoserbsku rěc a kulturu, do Serbsko-nimskego domowniskego muzeja w Janšojcach. Pó witanju pśez wjednicu muzeja, Nadine Adamoweju, jo Uta Henšelowa ned na zachopjeńku zwěsćiła: „Wóno se skóro groni, sowy do Athena njasć, gaž w Janšojcach wó pśězy powědam. Ale pśi mójich nazgónjenjach a teoretiskich znajobnosćach móžoš pśez wósobinske rozgrona pśecej něco nowego wuknuś.“