„Ja njejsom wěcej waš syn, ale waša źowka“ – take słowa su stojali we srjejźi filma „Pytaś a namakaś / Vom Suchen und Finden“. Maś jo była wót togo bejnje pśechwatana, jo, samo šokowana. Jeje syn ga bydli něźi w jadnej serbskej jsy w Dolnej Łužycy, ale tak pšawje se tam doma njecujo. Teke togodla, dokulaž co se „pśeměniś“ na źowćo, a jano jogo pśijaśelka to wě a teke rozmějo. Druge we jsy pak za wětšy źěl nic, za nich jo take cuze. Wón pak pśi tom wóstanjo, a ako swěśe we jsy zapust, se wón serbsku drastwu wobleka a k tomu samo se lapu stajijo...