Pśed premjeru magacina „Łužyca“ pód titlom „Serbska utopija“ su jogo dłujkolětnego redakciskego wjednika, Hellmutha Henneberga, kenž jo pśed krotkim do wumjeńka šeł, cesćili. W swójej lawdaciji jo Grit Lemkowa jomu ako drogurubarja serbskego filma w telewiziji chwaliła. Lěc jo to pak pśecej něco dobrego, łužyskim/serbskim filmarjam cełe wusćełański cas magacina „Łužyca“ pśewóstajiś, wó tom su łoni južo kontrowersnje diskutěrowali. A wudaśe w nowembrje buźo zawěsće k tomu pśinosowaś, toś tu diskusiju – snaź mócnjej – dalej wjasć.