Jo to dłujko trało, ale něnto mamy skóńcnje prědny serbski kino-film – wót Serbow za Serbow. Dnja 18. apryla 2024 buźo film „Pla nas gronje jej Hanka“ pó cełej Nimskej w kinje wiźeś. Swóju premjeru jo film južo na DOK-festiwalu w Lipsku swěśił, na 33. filmowem festiwalu w Chóśebuz jo był prědny raz wiźeś k wótwórjenju.

Drugi raz su pokazali film w Měsćańskej hali Chóśebuz, źož jo wjele zajmcow ako teke protagonistow, kenž su film prědny raz wiźeli, pśichwatało. Pśed tym jo režiserka Grit Lemkowa publikum serbski wuwitała a jo pšašała „Musym hyšći něco nimski groniś? Su ga skóro jano Serby how.“

Jadnab 90 minutow dłujki jo dokumentariski film, kenž grajo w Łužycy a pokažo wurězki ze žywjenja někotarych Serbow a Serbowkow. To jo daloko pšec wót drastwu nosecych jajkomólowarjow*kow, folkloristiske elementy wence wóstajone. Grit Lemkowa jo wósobow ze swójogo priwatnego wobswěta wuzwóliła, a jich pokažo wóna tak, ako se z nimi rozgranja.