Ze Slěpego/Schleife. „Spiwy z brunicowych stronow“ jo zajmna iniciatiwa, kótaraž se na to koncentrěrujo, tradicionelne serbske spiwy z Dolneje Łužyce a slěpjańskich stronow pó tencasnej a lubosnje zukatej wašni prezentěrowaś. Někotare spiwy jo lipšćańska spiwaŕka Walburga Wałdźic južo w lěśe 2020 w ramiku wósebnego chorowego projekta wóžywiła. Zachadnu njeźelu wjacor jo slěpjańska wósada toś ten chor z koncertom w Ewangelskej cerkwi dožywiła.

Fasciněrujuce jo wósebnje było, kak pólska wiolinistka Izabela Kałduńska pśewóźujo spiwanje žeńskich z techniskimi srědkami a rědami ako looperom a wšakimi efektami, aby orchestralny zuk twóriła. Snaź by mógło toś to moderne wobźěłanje tradicionelneje muziki k tomu pśinosowaś, spiwy šyrokemu publikumoju spśistupniś.