Z Města/Cottbus. „Prjedy hač woteńdźeš – Bevor du gehst“, tak se groni górnoserbskim knigłam Róže Domašcyneje a Maćija Bulanka. Knigły pokazuju slědne serbske žeńske, kótarež nose hyšći kuždy źeń swóju drastwu. Toś ta zběrka starych wažnych wobrazow jo se wót Měrćina Weclicha z muziku pódmólowała a wót Serbskego ludowego ansambla (SLA) srjodu, 8. nowembera, w awli Dolnoserbskego gymnaziuma za wuknikow a wuknice 10. lětnika pśedstajiła. Drastwa jo stolěśa dłujko k wšednemu žywjenju słušała. Drastwa jo była znamje za namakanje swójskeje identity. Serbska drastwa we swójich wšakich barwach, suknach a zgótowanjach jo swój charakter měła. Drastwa wopisujo naš lud, kaž jo. A to jo SLA wopytał zwurazniś. Wjele wurězkow z knigłow w nimskej, dolnoserbskej a górnoserbskej rěcy jo se citěrowało. Mjaztym su muzikaŕki a muzikarje na smyckowych instrumentach muziku wót Měrćina Weclicha grali a paralelnje su se wobraze wót slědnych nosaŕkow narodneje drastwy pokazali.