Dnja 5. oktobera 2023 jo wumrěł faraŕ Sven Oliver Lohmann. Ako cłonk Lutherskeje wósady jo był wjelgin aktiwny w cełem cerkwinem wokrejsu Chóśebuz ako cłonk synody a wokrejsneje cerkwineje rady. Jo był wjelgin angažěrowany pśi wóžywjenju źěłabnosći Spěchowańskego towaristwa za serbsku rěc w cerkwi z. t. W lětach 2015 do 2018 jo statkował ako pókładnik w pśedsedaŕstwje. Derjeměśe serbskeje wósady jo jomu było wutšobina pótrjebnosć. Jo był wustuděrowany biolog, ale jo kśěł rad ako faraŕ źěłaś. Toś ako 40lětny jo zachopił studěrowaś teologiju. Ako wikar jo se wrośił do Chóśebuza, a wót 1. januara 2023 jo pśewzeł faraŕske městno na Lutherowej cerkwi. Jo mógał zdobywaś luźi ze swójeju bogatosću na idejach a angažěrowanosću. W maju toś togo lěta jo był ordiněrowany. W slědnych mjasecach śěžka chórosć jo jogo katowała. Weto njejo pópušćił až do smjerśi, dalej wósadu pódpěrowaś.