Z Wjelikego Linja/Groß Leine. W rěźe Nazymskich koncertow jo pśepšosył Dytar Freihoff, šołta gmejny Markojska Góla (Märkische Heide), w mjenju Stśělcowego zjadnośeństwa Lubochol (Leibchel) do Wjelikego Linja (Groß Leine) na muzikaliske wótpołdnjo. Bóžko jo sobotu, 21. oktobra, wjele serbskich zarědowanjow wó pśichylnosć publikuma konkurěrowało. Skóńcnje jo mała kupka do gmejnskego doma pśichwatała, źož su dožywili wjaselecy koncert z kupkoma Kula Bula a Złykomorojska Pśěza.