Z Budyšyna/Bautzen. Slědnu srjodu su se zmakali redaktorki a redaktory Serbskich Nowin (SN), Rozhlada a Nowego Casnika, ako teke zastupnica cytaŕskeje pśirady, fotograf, wugótowaŕki, stilizatoŕki wót Ludowego nakładnistwa Domowiny (LND) w Budyšynje, we „dźěłarnicce na Sukelnskej“. Pśicyna jo była dwójodnjowny work-shop pód nawjedowanim Ehrhardta Heinolda z Hamburga, kótaryž źěła ako póraźowaŕ za nakładnistwa. Pśepšosyli su jadnaŕ LND Syman Pětr Cyž, šefredaktor SN Marcel Braumann a projektowy manager za IT pla LND Milan Pawlik.