Z Frankfurta nad Mohanom/Franfurt (Main). Wót 18. do 22. oktobra su se wótměli we Frankfurśe nad Mohanom knigłowe wiki. Tam stej se teke prezentěrowałej sobotu, 21. oktobra, serbsko-nimskej zběrce z nakładnistwa Traiana Popa z Ludwigsburga. Dopołdnja stej we Frankfurśe bydlecy spisowaśel Ljubiša Simić a serbski basnikaŕ Benedikt Dyrlich pśedstajiłej zběrku basnjow „Donjebjesspěće/Himmelfahrt“ Mića Cvijetića, łoni zemrětego basnikarja a pśełožowarja z Beograda (Belgrad). Dyrlich jo te dwójorěcne knigły w Ludwigsburgskem nakładnistwje zestajał a z dosłowom wudał, pśebasnjenja ze serbišćiny do górnoserbšćiny jo Dorotheja Šołćina na starosći měła, do nimšćiny pak Peter Gehrisch. Wótpołdnja jo se na rumuńskem wustajanišću wótměła knigłowa premjera łoni wujźoneje serbsko-nimskeje basniskeje zběrki Traiana Popa „Posledni sněh/Der letzte Schnee“. Wuběrk a wudaśe z portretom Traiana Popa jo tejerownosći Benedikt Dyrlich na starosći měł, serbske pśełožki jo wón z Dorotheju Šołćineju wobstarał. Ilustracije k basnjam su ze zawóstanka zemrěteje Boženy Nawka-Kunysz.