Městaško Nanortalik, lažece na kupje ze samskim mjenim, jo nejwěcej południske město Grönlandskeje. Wót wjelikosći městow w Grönlandskej jo na 10. městnje. Jo śańka kupa a zwiga se daloko do Atlantika. W lěśe 1830 jo se Nanortalik ako město załožył, do togo jo se w lěśe 1797 nejpjerwjej załožył ako dańska stacija za łapanje wjelrybow a wóznamjenijo w rěcy Inuit „městno z lodnymi mjadwjeźami“. Rada by takego raz wiźeła, ale wóni su jano hyšći we tych regionach žywe, źož jo pśecej lod a sněg. Tam teke wětše jsy a města njejsu, w nanejžwušem paźe sedlišća wědomnostnikow: polarnych slěźarjow, technikarjow, biologow a geologow. Jano pśibrjozne pase kołowokoło wjelickeje kupy Grönlandska su wobsedlone.