Młoźinski koordinator Domowiny Tobias Unger: „Jo było lětosa wurědne zarědowanje. Smy se jěsno starali wó trjebne dogrona a to jo było cuśniwe. Teke pódpěra, kótaraž jo z Dešna pśišła, jo była enormna, lěc jo to była młoźina abo Domowinska kupka. Smy mógali se na Dešanarjow spušćiś. Ale teke na wobyma dnjoma a wót wšyknych wobźělujucych młoźinskich kupkow jo było dobre wobźělenje. Zastaranje musymy znowa hyšći pitśku pólěpšyś, dokulaž jo nawal woglědowarjow naše wócakowanja pśetrjefił. Južo něnto mógu groniś, až z Dešnom mamy teke znowa spušćobnego partnarja.“