Z Hochoze/Drachhausen. Južo we starstwo 14/15 lět jo młoda Hochozaŕka Iben Lotric swójsku drastwu dostała. Šlodaŕka drastwow Johanna Sapjatzerowa z Rubyna jo ju za nju wušywała. „Pópšawem njejo hyšći kśěła Johanna za mnjo kóšulu wušywaś, dokulaž źowća w takich młodych lětach se hyšći pśeměniju, a pón njeby pór lět pózdźej kóšula wěcej pasowała. Ale som była zakósćiwa a som mógała ju pśeznaniś“, se smjejkoco Iben. Wósebnje te wušywanki na drastwje, su se jej spódobali a wóna jo měła swóje dokradne pśedstajenja, kak to dejało wuglědaś.