Z Brězowki/Halbendorf. Wjasele w Brězowce: Nowu halu za dobrowólnu wognjowu woboru mógu skóńcnje twariś. Pśedewześe njejo nowe. Hyšći za cas starego šołty Helmuta Krawca su jen pśesunuli. Pśicyna za to jo wócywidna. Z 1950tych lět póchadajucy depot jo pśemały a njedajo se rozšyriś, dokulaž ma pódla źiśownje „Bóśonowe gnězdo“ swójo doma. Stacioněrowanje wjelikego gaseńskego awta njejo bźez nowotwari móžne. To dej se na napśeśiwo stojecem boce drogi staś. Zdźělenku wó spěchowańskich srědkach jo mógał šołta Sebastian Bertko njedawno pśiwześ a tak mógu 2024 twaŕske pśedewześe realizěrowaś.