Wót jogo pcołow, wót jogo fenologiskich hobglědowanjow za Němsku wjedrowu słužbu a wót jogo dobrego znaća dźiwych rostlinow jo se južont gusto pisało, dyž jo se pisało wót Mroskoc Hanza z Trjebina. Něnt, dyž fajrujo ten Serb z Trjebina w Slěpjańskej wósadźe swój 90. burstak, da cu ja jogo hopytać a napisać, co mi na njom a ći njom lube a drogotne jo.

Tu krotku gólsku drogu, což wjedźo wót głowneje drogi na Mroskoc dwór, znajom derje. Ćed wócyma mam to cyglowe twarjenje, drjewjanu brožnju, wórješynu, spódy njeje sturnju a zady njeje kólnju. Pjerjej hako stupiš do dwóru, wjedźo pó lěwem boku płot, a zady płotu jo zaroda. Chtož ma gluku, huglěda Hanza w zarodce a widźi, kak wón se stara za swóje rože, glěda na te sadowe bomy a jagodowe kerje aby kak stoji ći pcołnicy a mysli se na swóje wěcej hako 70 lět z tymi lětajucymi stwórjeńkami.