Starjejše muse wěcej płaśiś za źiśi

Ze Slěpego/Schleife. Wót 1. oktobra togo lěta muse starjejše za źiśownju, źiśecu zagrodku a šulski hort wěcej płaśiś. To jo gmejnska rada wobzamknuła. Šesć cłonkow jo było za to, styri su se głosa zdźaržali (der Stimme enthalten). K tomu su gronili, až su se wót slědnego lěta košty za personal bejnje pówušyli.

Konkretnje to tak wuglědajo: za jadno góle w źiśowni (źewjeś góźin) musy něnto 260 euro płaśiś wob mjasec, dotychměst jo to 220 euro było. Městno w źiśecej zagrodce (źewjeś góźin) płaśi 120 euro, něnto hyšći 105 euro. A za šulski hort (šesć góźin) deje starjejše wudaś 70 euro, źaseś euro wěcej ako dotychměst. Źiśi w źiśowni a w źiśecej zagrodce budu něnto wobzwarnowane w KITA „Pfiffikus“ w Slěpem a w serbsko-nimskej KITA „Milenka“ w Rownem. Šulski hort z mjenim „Błudniki“ jo zaměstnjony w nowem Serbsko-Nimskem šulskem centrumje w Slěpem.

Su spominali na

Burkharda Nouscha