Z Pódstupima/Potsdam. Rědne fota Bernda Choritza k dolnoserbskim nałogam su wiźeś wót 12. septembra až do 2. nowembra w Krajnem sejmje Bramborska. Wustajeńcu jo prezidentka krajnego sejma prof. dr. Ulrike Liedtke wótwóriła. Tak ako wóna jo było wjele gósći z Pódstupima pód zaśišćom wót žywosći serbskeje kultury w Dolnej Łužycy. Babette Zenkerowa, wjednica Domowniskego muzeja Dešno, jo powědała w swójej lawdaciji, kake jo bogatstwo, w dwěma kulturoma žywy byś. Wobmanjajucy rědny doglěd do muzikalnego derbstwa jo dała kupka „Serbska reja“.