Serbski projektowy tyźeń w lěśojskich prozninach jo mjaztym južo mała tradicija. A tak jo se teke lětosa dnja 21. awgusta zmakało 9 źiśi ze Žylowa, Rogozna a drugich jsow w rumnosćach Dolnoserbskeje kulturneje akademije za pisany a wótměnjaty tyźeń. Na programje su stojali mjaztym mjodowe a źiwe pcołki, wulět do Dešna na slědach fararja Bogumiła Šwjele a wušywanje pó serbskem. Wšakorake graśa su program wudopołnili. Wósebnosć jo była pytańca pó pokazkach w Dešnje, pśi kótarejž su źiśi wšake nadawki, gódańka a graśa absolwěrowali a pśi tom se zaběrali ze serbskimi literatami. Ceły tyźeń stej pśigótowałej a planowałej Iben Lotric, rěcna motiwatorka Domowiny, a Franciska Albertowa, zagronita za serbske młoźinske źěło. Jej jo pódpěrał w běgu tyźenja Joachim Jurenc, nowy rěcny motiwator Domowiny w Dolnej Łužycy. Pó rědnem tyźenju su wobźělnice insektowy hotel za źiwe pcołki baslili, něco nawuknuli wó serbskich superstarach – to su Mina Witkojc, Mato Kosyk a Bogumił Šwjela – a su swójske rubjaška zwušywali. Na slědnem dnju, 25.