Z Miłoćic/Miltitz. Dogromady 15 kupkow a DJ-ow jo 2. awgusta kóńc tyźenja 5. festiwal Meta Solis, pśi Miłoćańskej skale, z pśewažnje elektroniskimi zukami wuswěśiło. Na dwěma grajkanišćoma su zagórili mjazy drugim serbske akterki Ida Bux a 666SMWA, ALLG z Gdańska, Jess z Kaira a drježdźański John Bass 303 dogromady něźi 300 pśiglědowarjow ze swójimi setami, kenž su zakšyli pśisamem dopołny spektrum powšyknego ako techno znatego žanra. Wó kontrast su se starali Paul Geigerzähler z akustiskim folkowym punkom a zgromadnje z publikumom górno- a dolnoserbski spiwane „Paleńc, paleńc“ ako teke pśechwatajucy wustup kolektiwa Klanki ze serbskim hiphopom. Alina Petrowa wót ruskeje band Pussy Riot jo swój planowany gig dla chórosći wótpowěźeła.