Z Mósta/Heinersbrück. Dwa tyźenja jo how swěśiła wjas Móst swóje wěcejgeneraciske žnjowne swěźenje. Tak jo stajiła młoźina k łapanju kokota pěś rejtarjow. Nježli až jo młoźina swójogo žnjownego krala spóznała, jo pěś wóženjonych a staršych młodych pśi kałanju wěncow nastupiło. Pśed pěś lětami jo to było pódobne. Ženjone su pokazali zabijanje kokota. Młoźinska šefowka Gina Rochojc jo rozpšawiła: „Lětosa su kśěli raźi něco drugego pokazaś. Toś jo mój starki štapanje wěnca naraźił, to su južo k swójomu casoju młodosći cynili.“
Połojca 12 nosaŕkow drastwy jo wobstojała z młoźiny a druga połojca z młode wóstajonych. Pśez štapjenje wěnca jo žnjowny swěźeń lětosa dlej trał.