Z Janšojc/Jänschwalde. Pśed něźi źaseś lětami jo Romy Ruffojc swój prědny wušywański kurs w Heinzojc šlodaŕni za serbsku drastwu w Žylowje woglědała. Tegdy stej mama a źowka kurs hyšći gromadu pśewjadłej. „Ja som se mysliła, zawěsće ty to teke móžoš, až słuša to jadnorje sobu k narodnej drastwje. Mimo togo som kśěła něco swójskego a indiwidualnego“, groni Romy Ruffojc, ako jo zachopiła z wušywanim.