Ze Žylowa/Sielow. Pśed někotarymi tyźenjami, 16. julija, su w Žylojskej cerkwi spomnjeński dupjeński swěźeń swěśili. Co by był dupjeński swěźeń bźez dupjenja? A pótom jo se jadnało teke hyšći wó dwójorěcnu namšu. Dünnbierojc familija jo dała swójogo drugego góleśa Fiete Rainera dupiś. Kak pak pśiźoš ako roźona Górjanaŕka pśez Wjerbno do Žylowa namšu. „Mě jo było wažne, až jo to dwójorěcna namša była, a to jo móžno jano z faraŕku Katharinu Huglarjoweju. Na kótarem městnje, jo to nam było wšojadno“ groni Jennifer Dünnbierowa.