Měrliwe městno we chłodku – na górucych lěśojskich dnjach jo wusoki dobytk. Graśu sni a swětła pśiglědowaś, zacuwaś wětšyk, měr pytaś a namakaś.

Pśeto ty sy mój pomocnik, a we tom chłodku twójeju kśidłowu chwalim ja. (Ps.63,8) Tak módli se Israelski legendarny kral Dawid. Jomu bibliska tradicija psalm 63 pśipišo. Rozgrono z Bogom wót dłymokeje, wósebnje pak žyweje dowěry Boga powěda. Módlitwa, tak groni nam werš jaden, słowa kótarejež su we wuwześnej situaciji se namakali.