Pśed 100 lětami jo pśedchadnik Nowego Casnik, ten Serbski Casnik, Serbow informěrował, což jo se na swěśe a w domowni stało. Wót 1923 do 1933 jo Mina Witkojc była šefredaktorka Serbskego Casnika a z tym prědna žeńska, kótaraž jo Casnik nawjedowała.
Ako jo w lěśe 1922 něgajšny casnikaŕ Kito Šwjela wumrěł a jogo syn faraŕ Bogumił Šwjela w Dešnje njejo dosć casa měł, aby kuždy tyźeń nowe wudaśe pisał, jo Mina Witkojc Serbski Casnik pśewzeła.