Z Lubina/Lübben. Gumnyško Eden mjazy šćitnymi groblami a krajnym amtom, srjejź Lubina? Jo, to dajo! Sybille Grunert jo sebje how ceło swójske gumno Eden zarědowała, jo to městno wótpócynka a twórjeńske městno rownocasnje. Wóna njesłyšy how zogol města a jo móžno how wuměłske projekty zwopšawdniś. Gaž se wóna w swójom gumnyšku abo pód sadowymi bomami do źěła dajo, jo swět wokoło njeje hynakšy, jo pón sama ze sobu a z wuměłstwom.