Z Města/Cottbus. Slědny šulski źeń lěta 2022/23 su na Dolnoserbskem gymnaziumje pśewjadli bóžu namšu za wuknjecych. Taka namša se wótměwa južo nanejmjenjej 17 lět. Slědny raz su ju pśewjadli w lěśe 2017, pótom wšakich wobstojnosćow a pózdźej pandemije dla njejsu wěcej to dowólili. Namšu jo pśichwatało dogromady wokoło 100 wuknjecych. Take namše su zgromadny projekt DSG a Spěchowańskego towaristwa za serbsku rěc w cerkwi. Namšu jo źaržała faraŕka Katharina Köhlerowa w serbskej a nimskej rěcy. Namše se wótměwaju w ramiku pśedmjata \"Nabóžnina\".