Ze Žylowa/Sielow. Eksaktnje pśed pěś lětami, teke 7. julija, su sebje zagronite sportowego towaristwa Žylow na swójom 105. narodnem dnju južo raz FC Energiju na testowe graśe pśepšosyli. Teke tencas jo dało jasny rezultat za wušy niwow Chóśebuskich. Weto jo tegdejše 9:0 skerjej snadne było w pśirownanju z nowym nakładom k 110. narodnemu dnju. Njezmilny jo gónił regionalny ligist swójogo pśeśiwnika pó łuce, w žednej tych 90 minutow pópušćujucy, tak až jo stojało na kóńcu 28:0 za Chóśebuz na pokazowańskej tofli. Njeglědajucy na górcotu wjacora jo 1.225 pśiglědowarjow do sportowego parka na pódpołnocy města pśichwatało, źož su se mógali na kołowokoło perfektnem wobgóspodarjenju, hyšći wěcej pak na perfektnem graśu FCE rozwjaseliś.