Lube źiśi,
hyšći njejsom wam pśeraźiła, což móžośo w našom grochowem wuběźowanju dobyś. Za gjarnyšk z nejwětšym grochom dostanjo dobyśaŕ bon (Gutschein). Ten jo z lodoweje kafejownje „Kśišowka“ w Huštanju (Wüstenhain) pśi Grabicańskem jazoru (Gräbendorfer See). To jo perfektne za góruce dny w lěśu. Wy móžośo nejžpjerwjej w jazoru plańtśaś a se wochłoźiś (abkühlen) a pótom lod w kafejowni Kśišowka jěsć. Ale chto buźo dobyśaŕ lětosa? Kótare góle z Bórkow, Rubyna abo Škódowa ma nejlěpšu zemju?
Bóžko žeden groch njejo rosł až doněnta w gjarnyšku Enna z Bórkow. Zapśimujucy jo pak wordował mjazy gjarnyškoma Clary ze Škódowa a Ludwiga z Rubyna. Rostlinka Clary jo akle wětša była. Ale rostlince Ludwiga stej malsnje dalej rosłej. Wónej stej něnto wětšej ako groch Clary.
Z tym jo Ludwig z Rubyna wudobył lětosne prědne městno w našom grochowem wuběźowanju. To na to pokažo, až zemja w Rubynje jo wjelgin dobra za rostliny. Ale zemja w Škódowje teke njejo taka špatna. Pśiducy raz buźomy Ludwigoju jogo myto – bon za kafejownju Kśišowka – a jogo gjarnyšk pśepódaś. Wó tom pišomy pśiducy raz.