Z Města/ Cottbus. Pó wuspěšnem nimsko-serbsko-pólskem swěźenju pśi góźbje wótwórjenja wjelikeje wustajeńce „Wšo jo krajina. Serbski mólaŕ Jan Buk“ w Serbskem muzeju a Wuměłskej hali jo se w Chóśebuzu, dnja 15. junija, pśizamknuł wědomnostny sympozium z wšakorakimi pśinoskami wó pólsko-nimskich póśěgach a wó Bukowem statkowanju. A k prědnemu źěloju wustajeńce „Hommage à Jan Buck“ jo se hyšći drugi źěl wótwórił: nacasna ekspozicija „Pó wuglu … woblica a krajiny“ z fotografijami wót Franka Höhlera, Thomasa Kläbera, Jürgena Maćija a Carla Pohla.