Grafiski wuměłc Piotr Szurek, wón jo teke na instagramje. S. K.Pólske wuměłce, kótarež wustajaju swóje stwóŕby w Starej płachtaŕni.Anna Kosacojc-Kozelowa jo słuchała, ako Christina Kliemowa jo wjadła pó wustajeńce. Pśi njej stoj Radosław Brodzik, zastupnik lubuskeje maršalki. (wótpš.)Kuratorka Kliemowa jo dała zawjeźenje do žywjenja a statkowanje Jana Buka. How źaržy katalog „Alles ist Landschaft“.
Wědomnostny forum we Łužyskej hali. Foto: Heiko Straehler-PohlBukec Peter a Christiana pśed triptychonom „Camprowanje“.Werner Měškank jo wjadł na serbskich stopach pó Měsće. Fota: S. K.
Z Chóśebuza/Cottbus. Slědny pětk jo tudy był Nimsko-serbski-pólski swěźeń „Zmakanje a dialog“, pśi góźbje wótwórjenja wustajeńce „Wšo jo krajina – serbski mólaŕ Jan Buk“. To pśisłuša wustajeńskemu rědoju k cesći Buka, dalšne źěle su wiźeś abo byli wiźeś w Budyšynje, Chóśebuzu (až do 27.08.), Wrocławje (15.09. do 31.12.), w Zielonej Gorje (02.02. do 05.05. 2024) a we Złem Komorowje (16.10. 2024 do 05. 01 2025). Pśecej jo hynakšy fokus na te stwóŕby Jana Buka pśi góźbje 100. narodnego dnja togo wuměłca, tam njejo dokradnje to same wiźeś.