Z Dešna/Dissen. Ako južo łoni w septembrje su byli kśesćijany ze Žylowa a ze susedneju Dešna a Strjažowa byli pśepšosone 4. junija na fitnesowu namšu na płoninu pódla parkowanišća Dešańskich nadrěkow. Wikar Jakub Syman jo nejpjerwjej njeźelsku namšu pśewjadł, kenž jo była se wě ceło wusko temje dnja „Pógibowanje a aktiwity“ pśichylona.

Tak rozpšawja 32-lětny w swójom prjatkowańskem teksće zaźiwanym pśisłucharjam „sportowego pósoła Pawoła“. Wót njogo ga pśiźo w Prědnem lisće posoła Pawoła na Korintharjow ceło wósebne napominanje: „Toli njewěsćo wy, až te we wobcerjenju se wuběgujuce derje wšykne běže, ale jaden dostanjo to dobyśe? Ga běžćo tak, aby jo dostanuli“ Wó njom ga teke „gronje“, až jo w sumje drje 14.000 kilometari pěšy slědk scynił.