Ze Tšupca/Straupitz. Domowinska župa Dolna Łužyca jo slědny pětk swójich delegatow pšosyła na 31. głownu zgromaźinu do Bytnojc gósćeńca w Tšupcu. 41 wót nich a jadnab źaseś gósći su pśepšosenje pśiwzeli. W prezidiumje stej župan Pětš Šurman a zastupny župan a jadnaŕ Domowiny Marcus Końcaŕ pśibytnych wuwitałej. Pśedsedaŕ Domowiny Dawid Statnik jo był w swójej funkciji ako pśedsedaŕ mjeńšynoweje rady do Friziskeje pšosony ku góźbje stolětnego wobstaśa towaristwa Friisk Forining a jo pósłał póstrowne słowa do Tšupca. Zgromaźina njejo tak dłujko trała, ako jo było pśedwiźone, wšak njejo šołta gmejny se wobźělił a rozpšawa rewizijneje komisije jo chórosći dla wupadnuła. Tak su ned pó wobzamknjenju dnjownego porěda sobuźěłaśerje Serbskego instituta, mjazy drugim Marek Slodička a Stephanie Bierholdtoc, pśedstajili nowy modul Sorabicona. Ten dokumentěrujo serbske nałogi a swěźenje we wokrejsu SPN a w Chóśebuzu we wobłuku imaterialnego kulturnego derbstwa (wěcej wó tom stoj na drugem boce).

Župan co młoźinske kupki pódpěrowaś