Z Barlinja/Berlin. Kolektiw Klanki jo žeńskeca serbska hip hop-kupka, 2020 jo ze spiwom „Družki“ do zjawnosći stupiła. Zachopiło jo se wšo w internaśe Serbskego gymnazija w Budyšynje, ako su se prědny raz zmakali te styri wuknice ze wšakich jsow w Górnej Łužycy. Pśed někotarymi lětami su młode žeńske pśeśěgnuli do Barlinja, dla studija.

W lěśe 2020 jo Kolektiw Klanki nagrawał swój prědny spiw „Družki“. Nastał jo wideo na rědnem lěśojskem dnju – w Rummelsburgu pśi wóźe a pśi jadnej pomocnicy w bliskosći naměstna Nöldnerplatz w Barlinju. „W spiwje a we wideo se nam zbližyjo realita Serbow. Smy kśěli w samskem měrje trash, ale teke kritiku na patriarchaśe w górnych Serbach zwurazniś“, jo groniła Johanna Cyžec. „Mě klanki (pupki) rědnje klincy, to jo pokazk na zgromadny kreatiwny proces a wobraze graju z objektifikaciju žeńskich, kótaruž sebje w rapje pśiswójujomy“, jo mě wulicowała Johanna Cyžec.