Marko Kowar jo nowy pśedsedaŕ rady teje Załožby za serbski lud

Awtor: SN stwórtk, 01. junij 2023
Rada Załožby za serbski lud jo se slědnu wałtoru w budyšyńskem Serbskem domje prědny raz w nowej wólbnej perioźe zmakała. Direktor teje załožby Jan Budar (prězy, tśeśi wótlěwa) ma z Markom Kowarjom (pěty wótlěwa) nowego partnera na cole załožboweje rady. Ako gósć jo teke pśedsedaŕ parlamentariskeje pśirady Marko Šiman (napšawo) na městnje. Foto: Jurij Helgest

Z Budyšyna/Bautzen. Ako prědne jo bramborske ministaŕstwo za wědomnosć, slěźenje a kulturu gratulěrowało Markoju Kowarjoju: Wón jo nowy pśedsedaŕ rady Załožby za serbski lud. Jogo su raźiśele z Bramborskeje a ze Sakskeje wuzwólowali na prědnem pósejźenju rady. Kowar jo naslědnik dłujkolětneje pśedsedaŕki załožboweje rady Susann Šenkec. Wóna njejo wěcej kandiděrowała. Ku wuslědkam jeje statkowanja słuša to pšawidłowne wótgłosowanje mjazy tymi wšakimi serbskimi gremijami, a teke to historiske pówušenje etata Załožby za serbski lud wó ceły běrtyl a teke to źiwanje na serbski lud we zwězkowej kazni, což jo w nimskej historiji jadnoraznje, a wušej togo to zmócnjenje strukturow w doněntejšnych brunicowych „rewěrach“. Wšykne nowe projekty k rewitalizaciji serbskeje rěcy a źěłowe městna, na pśikład za rěcnych motiwatorow, rozrostujuca na tom zakłaźe wót lěta 2020. „Insidery“ wěźe, až ta šykowna politiska diplomatija Susanny Šenkec jo za kulisami wjele k tomu pśipomogła, až ducenty milionow euro stoje k dispoziciji až do lěta 2038 za kopicu serbskich wjelikich projektow.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś