Z Gubina/Guben. Wót 6. maja až do 21. maja 2023 pokazuju w Starej barwaŕni w nimskem Gubinje wósebnu wustajeńcu biblijow. To jo pólsko-nimska iniciatiwa, kótaraž se zaběra z temu wěry a z wuznamom biblije ako swěte knigły Žydow a kśesćijanow. Wót nimskego boka jo to Gottfried Hain organizěrował, něgajšny zastojnski wjednik chórownje Naëmi-Wilke-Stift w nimskem Gubinje. Wót pólskego boka jo organizator Bogdan Toma-szewski, faraŕ swětkowneje cerkwje w Gubinje. Wobej stej spśijaśelonej a wuźaržujotej južo wjele lět dobre zwiski pśez granicu.

Za wustajeńcu jo faraŕ Jarosław Gaudek wót ewangelskeje cerkwje w Żninje (Kujawsko-pomorske wójwodstwo) wuběrał eksponaty ze swójeje biblijoweje zběrki ze swójogo priwatnego wobsejźeństwa, mjazy nimi młoge zajmne pśedmjaty, kótarež su zwězane ze stawiznami Swětego pisma a jeje pśestajenjami w běgu stolěśow.