Ze Žylowa/Sielow. W Heinzojc žylojska šlodaŕnja šyju tradicionelne serbske drastwy. Jeje wobsejźaŕka Delia Münchowa gótujo wušywańske kurse w serbskej a nimskej rěcy. Serbski kurs běžy raz wob semester, něnto ga južo tśeśi raz. Za njogo su zaplanowali wósym terminow. Prědny kurs jo se zachopił w lěśe 2019 ako specialny kurs. Tegdejše kurse su se pśewjadli w nimskej rěcy, a paralelnje su wobźělnice wuknuli fachowu terminologiju na serbski, toś jo se zjawiła ideja, tej kursa zwězaś.