Z Běłeje Góry/Byhleguhre. Dnja 22. apryla 2023 jo se w Běłej Górje wótměło generacije pśesegajuce tradiciske zarědowanje rybaŕstwa. Pó žycenju pśěźaŕkow, wěcej wó źaśu rybołojeńskich rědow zgóniś, jo nastało zarědowanje „Rybaŕstwo pjerwjej a źinsa“. Mimo pśěźaŕkow, Domowinskeje kupki Běła Góra, bórkojske Zjadnośeństwo serbskich błośańskich rybarje a wokoliny jo pśišło teke wjele zajmcow za tradicionelne błośańske rybaŕstwo. Pśewóźowało jo se zarědowanje pśez zajmny góstny pśednosk Henrika Schuhra – wón wjednika wěcnego wobceŕka rybaŕskego zastojnstwa Sprjewja-Nysa – kótaryž jo informěrował wó starych rybaŕskich pšawach a wobsajźenju z rybami w našych wódach. Rybyłojeńske rědy ako teke historiske nagrawanja su se mógali wobźiwowaś na zakłaźe póžyconkow eksponatow z muzeja rybaŕstwa Picnjo.