Z Města/Cottbus. Pśed 78 lětami, dnja 8. maja, jo nimske wójsko „Wehrmacht“ kapitulěrowała, druga swětowa wójna jo se skóńcyła a Nimska bu wulichowana wót nacionalsocializma. Źinsa jo to spomnjeński źeń – tak pomjenjony źeń wulichowanja. Ku tej góźbje jo Serbski muzej pšosył na Serbske blido k temje „Spomnjeśa na II. swětowu wójnu“. Wó swójich dožywjenjach we tom casu stej wulicowałej Johanna Pontowa z Drjenowa a Wyli Gusor ze Žylowa. Katrin Urbańscyna jo z pśinoska swójeje mamy z Pratyje pśedcytała. Tema jo wjele zajmcow pśiwabiła, a mała śpa w muzeju jo była nabita połna.