Gerhard Pawker a Gerald Šejn stej z muziku a spiwami rozwjaseliłej wobźělnikow zgromaźiny.Mjazy něźi 30 delegatkami a delegatami ze župy Dolna Łužyca su byli teke młode cłonki.Dawid Statnik – južo z lěta 2011 pśedsedaŕ Domowiny.

Wó awtonomije w šulstwje wjele njeroźe

Wó młogem, což jo było w lětoma 2021 a 2022 wažne za Domowinu a za co buźo wóna w casu až do lěta 2025 źěłaś, jo było to grono na jeje 22. głownej zgromaźinje w „Starej chemijowej fabrice“ w Chóśebuzu. Sobu ako nejwažnjejša wěc za Domowinu teke w pśiducem casu jo se w rozpšawach, w diskusijach a teke we wobzamknjenjach wupokazała serbska rěc – a pśi tom głownje serbske šulstwo, serbske kubłanje za źiśi a młoźinu.