We gnujucem akśe jo se 26. apryla dokóńcne rozpušćenje spěchowańskego towaristwa domowniskeje historije „Stog“ w bórkojskem gósćeńcu „Bleske“ jadnogłosnje wobzamknuło a kšace k rozpušćenju wótpowědnje rědowanjam w towaristwowych wustawkach pśewjadło. Pśicyna za rozsud jo był proces zestarjenja cłonkow spěchowańskego towaristwa. Wopyty za wobchowanje towaristwa w zachadnych mjasecach njejsu se raźili.