Z Města/Cottbus. Zachopiła jo młoda lyrikaŕka ako wuknica Dolnoserbskego gymnaziuma teksty swójich nejlubšych spiwow z engelskeje do dolnoserbskeje rěcy pśełožowaś. Ako su jej spiwy w serbskej rěcy lěpjej spódobali, jo wóna dalej basniła a swóje twóŕby južo wjele razow we wšakich knigłach wózjawiła. Slědny stwórtk jo wóna swóje prědne knigły „Pyšpot procha/In Sand und Wolken geschrieben“ ze zběrku swójich basnjow w Serbskem domje pśedstajiła. To grono jo wót Źilki, alias Jill-Francis Ketlicojc, redaktorki Nowego Casnika.