Z Janšojc/Jänschwalde. Wjele žeńskich jo slědowało napominanjeju a jo sobu pśinjasło zajźonu sobotu swóje módrośišćane šorce do módrośišćoweje źěłaŕnje w Janšojcach. Daniel Häfner jo organizěrował gromaźe z wjednicu muzeuma Nadine Adamoweju a z pśedsedaŕku Domowiny Rožamarju Tšukoweju tu źěłaŕnju.
Na zachopjeńku jo było to grono wó stawiznach módrośišća a kak jo ta barwa indigo do Ewropy pśišła. Häfner jo zwuraznił, kak wažny ten wobstatk za drastwu jo a až ma se za pśichod zdźaržaś.