Ze Žylowa/Sielow. Južo wót łońskich jatšownych ferijow su se žylojske wobźělili na wugótowanju „Zagrody stwóŕby“ (Schöpfungsgarten), jich jo jadnab 100 było. Wšojadno, kak młode abo stare su, wšojadno wjele casa su měli a kake móžnosći - wóni su pśišli a sobu gótowali. Tak jo pśi žylojskej cerkwi nastał wjelebocny areal za lichy cas. Za njen su jano wužywali lokalne resursy.

Na fachowy part jo se wó ten projekt Matthias Oswald „Ossi“ Sauer z Würzburga starał. To cełe jo płaśiło 75.000 euro, wót togo jo 75 procentow wót „Europäischer Landwirtschaftsfonds für die Entwicklung des ländlichen Raums“. Sauer jo mógał se kradu spušćiś na pomocniwych žylojskich wósadnikow: „How jo se južo jěsno społniła wěsta misija, kótaraž dej wuchadaś wót togo rědnego nowego terena. How powědam wót luźi, kótarež pśidu gromadu a namakaju sebje, jaden drugego. How worduju dopomnjone, až jo wažne tu stwóŕbu žarbowaś.“ Faraŕka za wósadu Žylow/Dešno Katharina Köhlerowa jo dodała: „Luźe deje sebje samych namakaś how, a teke Boga.“